أول تعليق من حمو بيكا بعد قرار إيقافه وإحالته للتحقيق: أطلب تحويل كل من غنى الأغنية للتحقيق.. ومقصدتش اللي وصل للناس
علّق مؤدي المهرجانات الشعبية حمو بيكا، على قرار نقابة المهن الموسيقية برئاسة مصطفى كامل، بإيقافه عن العمل وإحالته للتحقيق، بعد جدل فيديو إساءته لمؤسسات الدولة.
حمو بيكا: أطلب تحويل كل من غنى الأغنية للتحقيق.. ومقصدتش اللي وصل للناس
ونشر حمو بيكا، مقطع فيديو ظهر به المطرب رضا البحراوي، يغني نفس الأغنية التي انتشرت لـ حمو بيكا خلال الساعات الماضية، عبر حسابه بموقع إنستجرام، وكتب: صدر قرار وقف ليا من نقابة المهن الموسيقية وتحويلي للتحقيق، طبعًا أي قرار يصدر عن نقابة المهن الموسيقية بخصوصي أنا محترم القرار جدًا وملتزم بيه، بس أنا بطلب من سيادة النقيب المحترم أستاذي النجم الكبير مصطفى كامل، زي ما النقابة أصدرت قرار بوقفي والتحقيق معايا، تصدر نفس القرار على كل مغني بيغني نفس الأغنية دي ويتم التحقيق معهم كلهم زيي بالظبط، الأغنية أنا بغنيها عادي ومش قاصد بيها اللي وصل للناس.
وأردف حمو بيكا: والمقصود بكلام الأغنية إن الأم بتخاف على ابنها وهي وسطته وهي اللي مدلعة ابنها زي أي أم في الدنيا، وده موال قديم جدًا، وأنا ابن بلد، وزي ما اخواتي الصحافين شيروا البوستات، شيرو البوست ده وأنا رافعلهم مطربين تانيين وهما بيغنوها برضه، وفي آخر كلامي، أنا باحترم نقابة المهن الموسيقية وباحترم كل قرارتها وباحترم كل مؤسسات الدولة.
