صديق إبراهيم شيكا يروي تفاصيل التعدي عليه من أرملة الراحل: اتضربت وأنا معملتش حاجة | بث مباشر
كشف صديق نجم الزمالك الراحل إبراهيم شيكا، تفاصيل التعدي عليه من أرملة الراحل خلال تقديم واجب العزاء فيه.
وقال صديق إبراهيم شيكا إنه حرر محضرا ضد من تعدوا عليه بالضرب وسيأخذ حقه بالقانون، مضيفا: بقول لأرملة الراحل إبراهيم شيكا أنا مسامحك على كل اللي عملتيه فيا علشان خاطر صديقي الراحل، لكن بقولك إن اللي حصل دا كان هيتسبب في موتي، وأنا عملت إي علشان تخلي الناس تتلم حواليا وتسحلني وتضربني كدا؟
صديق إبراهيم شيكا يروي تفاصيل التعدي عليه من أرملة نجم الزمالك
وقال صديق إبراهيم شيكا إنه يوتيبر رياضي، وذهب لتوديع النجم الراحل، موضحا: أنا صعيدي وعلشان كدا طبطبت على عربية الإسعاف علشان أودعه وقولت له “مع السلامة يا بطل”.. بعدها لقيت الصحفيين اتلموا حولي وسألوني قولتلهم أنا صديقه وبحبه.
وأضاف صديق إبراهيم شيكا المعتدى عليه من أرملة الراحل أنه ذهب اليوم الثاني للعزاء وبعد أدائه واجب العزاء فوجئ بأرملة الراحل تلحقه وتسبه وتشتمه، ما جعل الجميع يلتف حوله ويضربوه ويسحلوه، مضيفا: اللي صوروني هما اللي تاجروا باللاعب مش أنا، أنا مصورتش وهما عاملين نفسهم أصحابه وضربوني علشان ياخدوا اللقطة.
