سيدة تتهم جارها بالتعدي على صغيرها في الجمالية: حبسه وصوره دون ملابس| خاص
تداول مستخدمو مواقع التواصل الاجتماعي، منشورات لـ سيدة تستغيث من جارها، والذي تعدى بالضرب على ابنها البالغ من العمر 11 عامًا، وصوّره فيديو عاريًا.
وقالت والدة الصغير، المعتدى عليه من جاره في الجمالية، في تصريحات لـ القاهرة 24: محتاجة حد يساعدني، ابني كان بيلعب في الشارع وحصلت مشاجرة بسيطة ما بينه وبين ابن جارنا زي ما بيحصل ما بين العيال في الشارع، ووالد الطفل خد ابني ضربه وبهدله وقلعه هدومه وحبسه في الورشة عنده وصورة فيديو وهو بيشتمه ويسبه.
سيدة بالجمالية تستغيث بسبب تعدي جارها بالضرب على صغيرها
وتابعت والدة الصغير المعتدى عليه من جاره في الجمالية: حررنا محضرا بالواقعة في قسم الجمالية، ولكن أهل الراجل بيهددوني أنا وابني وزوجي بالضرب وبيطاردونا، وعرضوا علينا تعويض مادي ولكننا رفضنا، مفيش حاجة تسوى دموع ابني.. الولد نفسيته ادمرت.
وأضافت والدة الصغير المعتدى عليه من جاره في الجمالية: ابني كان نازل الشارع عادي وجارنا خده وضربه وبهدله وصوره بدون ملابس، والفيديو صعب للغاية، ونفسيتي مدمرة بسبب اللي حصل لابني، وبقالنا 4 أيام عايشين في توتر وقلق بسبب أهل الراجل وتهديدهم لينا، وابني منهار نفسيًا وحكالي كل اللي حصل له، وإحنا معندناش حد يقف معانا.
