والد الزوجة التي ضربت حماتها في الشرقية: مسحورة وبنعالجها والصلح خير | بث مباشر
قال والد الزوجة صاحبة واقعة سحل حماتها وضربها بالشرقية، إن ابنته لم تكن تقصد، وإنها ملموسة ومسحورة وتتلقى العلاج منذ أكثر من أسبوع.
وأضاف حمدي والد نداء: بنتي تصرفاتها مش طبيعية، واللي عملته كان تحت تأثير سحر، وأنا مش راضي عن اللي هي عملته وبقدم اعتذار لأي حد، وبعتذر لزوجها ووالدته عن اللي حصل، وبقولهم إن اللي بنتي عملته كان تحت تأثير سحر.
وطالب بالصلح بين الطرفين، حيث قال: بينا دم ولحم ومينفعش الأمور تتاخد بالشكل ده، وعايزين نحل المشكلة بالتراضي ونتصالح علشان خاطر البنت الصغيرة.
وأضاف أن ابنته انهارت بعد الواقعة، مشيرا إلى أنه ضربها على فعلتها، موضحا: بنتي عيطت بعد الواقعة وندمت وقالت أنا مش عارفة عملت كده ازاي.
وتمكنت الأجهزة الأمنية في محافظة الشرقية، من إلقاء القبض على الزوجة المتهمة بالتعدي على والدة زوجها بالضرب والسحل، وجرى اقتيادها إلى مكان القسم للوقوف على أسباب وملابسات الواقعة.
