محمد فؤاد: قطع الكهرباء مناخ جيد لكل كارهي الوطنية | بث مباشر
قال الفنان محمد فؤاد إن قطع الكهرباء مناخ جيد جدا لكل كارهي الوطنية، معقبًا: بتتكلموا على الكهرباء أيامي وإحنا أطفال، في سنة 1973 الكهرباء كانت بتقطع بالأسبوع وعمرنا ما شفنا حد كره البلد ولا انتقد الحكومة أو البلد، وكان كل همهم إن بلدهم تعدي على خير من غير ما حد يأذيها.. الموضوع أشبه بجملة ملقوش في الورد عيب قالوله يا أحمر الخدين.
محمد فؤاد يتحدث عن قطع التيار الكهربائي
وأضاف فؤاد في تصريحات خاصة لـ القاهرة 24: الكهرباء بتقطع عندي بالساعتين وفيه مرة قطعت 3 ساعات، ومرة تانية قطعت عندي 7 ساعات على فترات متقطعة.. وعادي بالنسبالي المهم إننا عايشين في أمن وأمان، إحنا عايشين في نعيم.
وأكمل: أقسم بالله أنا راجل بسيط وعلى قدي، وملك السعودية قال مصر خرجت من نفق مظلم لا يعلم مداه إلا الله، وأنا كنت في ضهر بلدي بشكل ممكن يكون ضرني في شغلي وقُلت ولا فارق معايا تاريخ محمد فؤاد كله تحت رجليا قصاد بلدي.
واختتم محمد فؤاد تصريحاته قائلًا: قناة السويس لما اتعملت وكان إنجاز للبلد قالوا عليها ترعة، الناس فهمت المؤامرة الدنيئة اللي كانت ضد مصر..ومصر خرجت من نفق مظلم لا يعلم مداه إلا الله.
