والدة سليم صاحبة فيديو الخطف داخل سوبر ماركت بطنطا: كنت واخدة بالي من ابني ومع ذلك كانت هتخطفه مني | فيديو
وجهت والدة سليم صاحبة مقطع فيديو محاولة الخطف داخل سوبر ماركت بطنطا، الشكر للأجهزة الأمنية على سرعة ضبط المتهمة.
وقالت والدة الطفل سليم: الأجهزة الأمنية على العصر كانوا جابوها وكلموني عشان أروح أتعرف عليها وعرفتها فعلا بس هي لحد الآن معترفتش بحاجة.. وبنتمنى اللي حصل ده ميحصلش لحد، ده أنا ابني كويس وحالتي النفسية وحشة جدا، الله يكون في عون الناس اللي ولادها بيتخطفوا منها فعلا.
وتابعت والدة سليم: لسه مش متأكدين إذا كانت خطفت أطفال قبل كدا، ولكن لسه الأجهزة الأمنية والتحريات هتثبت ده.. والتحريات حاليا شغالة.
ووجهت والدة الطفل سليم رسالة للأمهات قائلة: أنا مش هقولهم ياخدوا بالهم من عيالهم لأني كنت واخدة بالي جدا جدا من ابني ومع ذلك اتنتش.. أنا مش هوجه رسالة للأمهات، أنا هوجه رسالة للمجرمين دول وبقولهم حرام عليكم، أنتم بجد هتعملوا أي في العيال.
