بهدلوني بعد شقايا عليهم.. أم تستغيث من بناتها بالدقهلية: ضربوني وقصوا شعري عشان ياخدوا بيتي | بث مباشر
استغاثت سيدة تدعى فاطمة محمد، مقيمة في محافظة الدقهلية، من جحود بناتها بعد تعديهن عليها بالضرب؛ وذلك بسبب رغبتهن في إجبارها على التنازل عن المنزل التي تقيم به وخروجها منه.
استغاثة سيدة من بناتها في الدقهلية
وقالت السيدة فاطمة: بناتي دخلوا عليا تاني يوم العيد ضربوني وقصوا شعري.. وبصموني على ورق كثير وكسروا الأجهزة اللي في بيتي وموبيلي.. وواحدة منهم ضربتني بالكرسي في دماغي.
وأضافت أن بناتها اتفقن مع عمتهن من أجل الاعتداء عليها وضربها داخل منزلها، لافتة إلى استغلالهن أنها تقيم بمفردها داخل المنزل، وهو ما مكنهن من الاعتداء عليها في ثاني أيام عيد الأضحى المبارك.
وتابعت السيدة فاطمة: جوزي مات من 4 سنين وبناتي اتهجموا عليا وضربوني عشان ياخدوا البيت مني.. ده أنا كنت بنام في الشارع عشان أشتغل وأبيع خضار عشان أقدر أصرف عليهم وأجوزهم.. وفي الآخر يعملوا فيا كده ويضربوني ويبهدلوني.
وأوضحت أن تعدي بناتها عليها بالضرب جاء بسبب رغبتهن في طردها من المنزل من أجل الاستيلاء عليها، قائلة: بعد ما شقيت عليهم يبقى ده جزاء أم ربتهم وتعبت عليهم طول السنين اللي فاتت دي.. ودلوقتي بقيت عايشة تحت التهديد بسبب بناتي ونفسي حد يلحقني.
