والد فتاة متغيبة منذ 42 يومًا بأسوان: قلبي محروق على بنتي.. وفكرت أموت نفسي عشان مش لاقيها| بث مباشر

تسيطر حالة كبيرة من الحزن على والد فتاة تدعى هبة عمر فهمي، البالغة من العمر 17 عامًا، مقيمة في قرية الخطارة بمحافظة أسوان؛ وذلك نتيجة تغيبها عن المنزل منذ 42 يومًا، وبالتحديد في يوم 16 مايو الماضي 2024.

تغيب فتاة منذ 42 يومًا في أسوان

وقال والد الفتاة المتغيبة إنه قبل تغيب ابنته بـ يومًا واحد طلبت منه أن تحصل على مبلغ من المال حتى تشتري به عباءة.

وأضاف والد الفتاة: قبل ما بنتي تغيب بـ يوم خدت مني 300 جنيه عشان تشتري عباية.. ويوم ما تغيبت خرجت من البيت عشان كان عندها درس الساعة 7 بليل.. بس الكاميرات جابت إنها وصلت لأسوان الساعة 7 ونص فـ بالتالي كده ميعاد الدرس راح عليها.

وأكد والد الفتاة المتغيبة أن ابنته اتجهت بعد ذلك من أجل شراء العباءة، قائلًا: زميلات هبة كلموني الساعة 8 وقالولي إنها مجتش الدرس وموبيلها مقفول.. بعدها كلمت والدتها فضلت تعيط وقالت إن البنت مجتش البيت.

كما أوضح أنه ظل يبحث عن ابنته في كل مكان من أجل العثور عليها ولكنه لم يتمكن من ذلك، لافتًا إلى أنه على الفور حرر بلاغًا بتغيبها في مركز الشرطة.

واستكمل والد الفتاة المتغيبة: لما عملنا البلاغ فحصنا الكاميرات وشوفنا بنتي فيها جوا مول شهير وكانت بتغير هدومها.. وبعدين ظهرت واحدة شبها وهي خارجة من المول ولابسة نقاب.. أنا قلبي محروق على بنتي ومش عارف هي عايشة ولا ميتة بس في أي حال هتكون عليه أنا عاوزها.. ده أنا فكرت أموت نفسي 3 مرات عشانها ونفسي ألاقيها.