مستقبله ضاع.. والد طالب في مدرسة بالمنوفية يستغيث: فقد عينه بسبب انفجار تكييف وعاوز حقه| بث مباشر

تعرض طالب يدعى عمرو سامح، مقيد بالصف الأول الثانوي في مدرسة مبارك كول بمحافظة المنوفية، إلى حادث مأساوي فقد على إثره إحدى عينيه، كما أُصيب بثقب في الأذن نتيجة انفجار تكييف في مركز تدريب بمدينة بنها، تابع للمدرسة.

استغاثة والد طالب في مدرسة مبارك كول بالمنوفية

وقال والد الطالب إن المدرسة وزعت نجله على مركز تدريب في مدينة بنها، وفقًا إلى بروتوكول تعاون، لافتًا إلى أنه كان يجري تصليحًا لتكييف ولكنه تعرض للانفجار بشكل مفاجئ.

وواصل: ابني كان بيعمل صيانة في تكييف، وفجأة انفجر وفقد عينه وحصل له ثقب في الأذن اليمنى وجروح في إيده ووشه.. وكلموني قالولي تعالى الحق ابنك راح المستشفى عشان حصلت حادثة في مركز التدريب.

وأضاف والد الطالب أنه أُصيب بحالة ذهول فور رؤيته حالة  نجله، قائلًا: أول ما روحت وشوفت ابني في المستشفى اتصدمت.. عملوله عملية في عينه اليمين عشان متأثرش على عينه الشمال.. ولحد انهاردة إحنا مش عارفين ننام من ساعة اللي حصل لابني.

كما أوضح أن الحادث وقع في يوم 18 من شهر أبريل الماضي 2024، وحتى الآن لا يوجد أي رد فعل من المدرسة، مختتمًا: مش عارف أعبر عن اللي جوايا بس إزاي أبقى مودي ابني يتعلم يرجعلي من غير عينه؟ أنا مش عاوز حاجة غير حقه، لأن مستقبله راح ومش عارف هيكمل حياته إزاي.