صبحي خليل بعد زواج ابنته في 10 أيام فقط: يسروا على أولادكم.. واشتروا راجل | بث مباشر
كشف الفنان صبحي خليل تفاصيل زواج ابنته داليا من الفنان الشاب أحمد عبد الوهاب، حيث تم الزواج بعد 10 أيام فقط من تقدمه لخطبتها.
وقال الفنان صبحي خليل، في تصريحات خاصة لـ القاهرة 24: زواج داليا بنتي كان نموذج لأي حد، وأنه يحصل فرح في الكام يوم دول ده بس علشان هما نيتهم طيبة ومخلصين لبعض جدا.. ودايما بالتيسير بتحصل كل حاجة والتيسير في كل حاجة شيء ضروري، ولازم نيسر في الزواج.
وأضاف الفنان صبحي خليل: التقاليد المصرية اللي بنشوفها في الزواج هي اللي جايبانا ورا، ومخليه حالات العنوسة كتيرة، ومخلية حالات الانفصال في أول سنة زواج كتيرة جدا، ودا بسبب التعنت والقايمة.
وعن شروط الزواج، أجاب: أنا هتشرط على العريس ليه وأنا بديله أعز ما أملك وهي بنتي.. وأنا كنت شايف إن قيمة بنتي أغلى من أي قايمة وأغلى من أي حاجة.
ووجه الفنان صبحي خليل رسالة للمواطنين قائلًا: يسروا على أولادكم، واشتروا راجل، ودايما جوزوا أولادكم لناس أصحاب دين، ويبقى العريس والعروسة بيحافظوا على صلاتهم؛ لأن ده هو الدين وليس التزمت اللي بنشوفه.
