أسرة ضحية سرقة الأعضاء بالقليوبية: قطعوا ابني وخدوا أعضاءه| بث مباشر
كشفت أسرة أحمد سعد، تفاصيل مقتله على يد جاره بعد استدراجه داخل شقة سكنية بمنطقة عزبة عثمان دائرة قسم اول شبرا الخيمة بمحافظة القليوبية، وقام بتمزيق جسده وسرقة أعضائه البشرية.
أسرة المجني عليه تروي التفاصيل
وقال محمد والد الشاب الضحية، إنه يوم الواقعة كان مشغولا مع جنازة أحد جيرانه، موضحًا أن المتهم استغل انشغاله في العزاء وجنازة جيرانه واستدرج نجله، قائلًا: طول الفترة اللي فاتت كان بيستدرج ابني ويوم الواقعة استغل انشغالي مع جيراني في حالة الوفاة.
وأضاف والد الضحية: كنا بندور على ابني مش عارفين مكانه وأهل الخير دلونا على مكانه روحنا لقينا ابني مفهوش حاجة خالص ومقطعينه وواخدين أعضاءه.. ابني قبل ما يموت كانوا بيعذبوه وبيقطعوا فيه.. دول مش بني آدمين عندهم رحمة.. والحيطة كانت كلها دم.
وأردف والد أحمد المجني عليه: بطالب بالقصاص للمتهمين.. ومش هرتاح غير لما حق ابني يرجع.
ومن جانبها، قالت والدة أحمد الضحية: ابني متغيب من يوم الاثنين اللي فات.. والناس في البيت كانوا سامعين صوت ولما سألوا المتهم قالهم ده أخويا بنعمل حاجات في الشقة.. كان مأكد عليه ميتكلمش.
وأكدت والدة الضحية، أن المتهم كان يعمل في الكافتريا المقابلة لمنزلهم، قائلة: كان شغال في القهوة اللي قدام بيتنا وصاحب القهوة مشاه عشان لقاه مش كويس.. وبعد فترة رجع ومعاه فلوس كتيرة وعربية وتليفون غاليين وكان بيلم العيال حوليه.. أحمد ابني فدى ناس كتير وكان طالب واحد تاني مع أحمد عشان يعمل فيه زيه.
