ماما دهب عن أزمتها الأخيرة: زبايني بيتعاملوا معايا كأني والدتهم.. وعايزاهم يستفيدوا من خبرتي | بث مباشر
أثارت ماما دهب التي تملك عربة طعام في أحد ممرات شارع قصر النيل بمنطقة وسط البلد، حالة كبيرة من الجدل في الآونة الأخيرة بعد انتشار مقطع فيديو لها وهي تتحدث مع زبائنها، بأسلوب وصفه البعض بالهجوم عليهم وكأنها تعظهم.
أزمة ماما دهب
وقالت ماما دهب إنها لا تقدم دروسًا في التنمية البشرية لزبائنها من طلاب المدارس والجامعات مثلما يتردد عنها، وإنما تدخل فقط لتقديم النصيحة لهم.
وواصلت: الموضوع مش تنمية بشرية بس أنا لو شوفت حد من اللي قاعدين عندي بيتكلموا أو بيهزروا بأسلوب مش ظريف بتدخل عشان أديهم نصيحة صغيرة، العلاقة بيني وبين زبايني مش مجرد إنهم بياكلوا وباخد فلوس منهم ويمشوا، بالعكس ببقى عاوزاهم يستفيدوا من خبرتي لأني أكبر منهم.
وأضافت ماما دهب أنها لا تتعمد أبدًا أن تغضب زبائنها من طلاب المدارس أو الجامعات بحديثها معهم ونصيحتها لهم، بالعكس بل هم يتقبلون ما تقوله لأنهم يتعاملون معها كما لو تكون والدتهم التي تنصحهم خوفًا عليهم.
واستكملت: لو المكان مش عاجبهم والأسلوب مش عاجبهم هيكرروا الزيارة تاني ليه؟ هما بيتعاملوا معايا وبيعتبروني زي أمهم والأسلوب ما بيننا زي ما بيقولوا خد وهات لأننا عشرة سنين.
وأشارت ماما دهب إلى أنها تضع بعض القواعد لزبائنها عند زيارتهم مطعمها البسيط، حيث إنها لا تسمح أبدًا لأي شخص لا يحترم تلك القواعد أن يزور مطعمها.
