أحمد العوضي بعد إعلان أسماء الفائزين بمسابقة حق عرب: لو كل اللي معاه ساعد اللي معهوش هنبقى في حتة تانية
حرص الفنان أحمد العوضي، على توجيه رسالة دعم لمتابعيه، بعدما أعلن عن أسماء الفائزين في مسابقته الثانية حق عرب، مؤكدًا أنه أقام تلك المسابقة لمساندة جمهوره.
وقال أحمد العوضي في بث مباشر مشترك عبر صفحته مع القاهرة 24: اللي أنا بعمله ده دعوى للمشاركة الاجتماعية، ولو كل اللي معاه ساعد اللي مش معاه هنبقى في حتة تانية، نساند بعض زي الإخوة في وطن واحد، كلنا بنساند بعض ومش عايز حد يزعل، والله المرة اللي جاية هتكسبوا، وبعتذر لو حد زعل مني علشان مكسبش، محدش يحس أن الدنيا جاية عليه، دي أرزاق.
وسبق وأن تحدث أحمد العوضي، عن تفاصيل مسابقته الجديدة، خلال مداخلة هاتفية له مع الزميلة منى عقبي، في بث مباشر عبر القاهرة 24، قال فيها: الناس طلبتها مني، ووعدت الجمهور أقدم مسابقة تانية، لأن أي حاجة حلوة بوصل لها بتكون بسبب الناس، ولما تعاقدت على مسلسلي الجديد حق عرب، اقترحت المسابقة على الجمهور إخواتي، وهنكسب 10 من إخواتي، كل واحد 15 ألف جنيه.
آخر أعمال أحمد العوضي
وعلى جانب آخر، يعكف أحمد العوضي خلال الفترة الحالية، على تصوير فيلمه الجديد الإسكندراني، الذي يتعاون فيه مع المخرج خالد يوسف لأول مرة، والعمل مأخوذ من رائعة الكاتب الراحل أسامة أنور عكاشة، ويضم العمل كل من بيومي فؤاد، زينة، حسين فهمي، محمود حافظ وآخرون، ومن المقرر طرحه قريبًا، فور الانتهاء من تصويره.
