سيدة تعمل مع زوجها على عربة الذرة المشوي بالمنيا: لازم أقف جنبه عشان نصرف على عيالنا | بث مباشر
قصة كفاح بطلتها سيدة تدعى أم يوسف، مقيمة في محافظة المنيا، والتي قررت أن تساند زوجها وتعمل معه على عربة لبيع الذرة المشوي، عقب أن تعرض إلى إصابة في عمله السابق كـ نجار مسلح، ترك على إثرها عمله في هذه المهنة.
قصة كفاح سيدة تساعد زوجها في العمل بالمنيا
وقالت أم يوسف، إنها تزوجت منذ 16 عامًا ووقتها كان يعمل زوجها نجار مسلح، ولكنه تعرض إلى إصابة ما، ولم يستطيع أن يمارس عمله بشكل طبيعي، فعرضت عليه أن تخرج إلى الشارع بحثًا عن مصدر رزق حلال لهما.
وتابعت: قولت لـ جوزي أني هنزل معاه الشارع عشان نشتغل سوا.. كان رافض في البداية وقالي مينفعش بس قولتله مافيهاش حاجة لما نساعد بعض.. لحد ما لقينا مكان ووقفنا فيه بالعربية بتاعتنا عشان نبيع الدرة المشوي.
وأضافت السيدة أم يوسف، أنها واجهت بعض الصعوبات هي وزوجها في بداية عملهما في الشارع، ولكنهما تمكنا من التغلب عليها مع مرور الوقت، قائلة: إحنا عندنا ولدين وبنتين وكلهم بيدرسوا.. دخلنا على قدنا وعلينا مصاريف كتير للعيال ودروسهم بس ربنا بيسهلها.
كما أوضحت أن أهم شيء بالنسبة لها هي وزوجها هو توفير المال اللازم من أجل تعليم أبنائهما، مضيفة: إحنا بنرضى بأي حاجة وأهم شيء إننا نكفي مصاريف عيالنا.. أنا مش عاوزة حاجة غير إن ولادي يبقوا كويسين وميتعبوش زينا.. وهفضل وراهم لحد ما يكملوا تعليمهم حتى لو مبقاش معانا فلوس.
