عصام السقا: محمد رمضان نجم الوطن العربي كله.. والشكوك حول نعيم كانت لعبة لنزيد حالة الجدل
تحدث الفنان عصام السقا عن كواليس مشاركته في مسلسل جعفر العمدة بطولة الفنان محمد رمضان، والذي جسد فيه دور نعيم، إلى جانب مشاركته أيضًا في فيلم هارلي.
وقال عصام السقا في لقاء مع القاهرة 24: الناس شكت في نعيم لأن مبقاش فيه حد طيب في الزمن ده، وأنا بأسس الشخصية مع محمد سامي كنت قاصد يكون فيه ريأكشن وتفاصيل محدش يفهمها ويكون فيه حيرة حول نعيم هل مبسوط ولا مضايق جواه خير ولا شر، علشان نزود الجدل، وكل بيت فيه الحلوة والوحش وفي واحد كويس وواحد مودي العيلة في داهية.
وأضاف عصام السقا عن التعاون مع محمد رمضان: نجم كبير ونجم الوطن العربي وده واضح في الشارع وفيلم هارلي هيكسر الدنيا وهيحقق إيردات قوية.
وتابع: محمد سامي كان مدينا باور وحماس وداخلين ننجح ومركزين في شغلنا والكواليس حلوة وفيه تعاون وحب من ناس عاوزة تنجح.
وأشار عصام السقا إلى أن بعض الانتقادات تكون جارحة، موضحًا: بعض الأشخاص بتنتقد بشكل شخصي بشكل جارح وفي النهاية الجمهور له حرية الاختيار يختار يحب مين ولا مش مين.
عصام السقا يتحدث عن مشاركته في المداح
من ناحية أخرى، تحدث عصام السقا عن تعاونه مع حمادة هلال في المداح 3، قائلًا: تجربة عظيمة وحمادة صاحبي وأخويا والعفاريت لعبوا معانا شوية.
