الرئيس السيسي عن المشككين في طريق الساحل: ناس بتحاول تحط تراب على الشغل
قال الرئيس عبدالفتاح السيسي، خلال جولته التفقدية اليوم: أنا متابع أي شكوى، زي الشكاوى الواردة عن الطريق الساحلي، المفروض الطريق ده يخلص 30 /7 أو نص شهر 8، هو لسة مخلصش، لأن لما الطريق ينتهي بينتهي كل الشغل الفني اللي عليه، ثم بيتعمل الإرشاد اللازم، ثم بتتحط عليه عناصر الشرطة لضبطه.
وأضاف الرئيس، بقى معقول طريق كان حارتين هيتقارن بطريق عرضه 6 أو 8 حارات، وأنا مستغرب جدًا إن القائمين على الطريق، مش قادرين يوصلوا إن الطريق لسة مخلصش، هو إحنا هنعمل الطريق على قواعد المرو ولا على أسلوب الناس في الحركة، لأ طبعًا هنعملوا على قواعد المرور، أنتوا لازم تنتبهوا أن كل لما الشغل يتعمل في ناس دورها تشكك في اللي اتعمل وتسيئ إليه بعد كل التكلفة دي، لأ يا جماعة دي ناس بتحاول تحط تراب على شغلكم، مش الهيئة الهندسية ولا وزارة النقل، لأ دول بيشككوا في مصر، الداخلية هتبقى موجودة والطريق هيتعمل طبقًا لمعيار الجودة العالمية يبقى إذًا إحنا نستخدمه طبقًا للقواعد دي.
